இந்தியாவில் உலகின் மிகப்பெரிய கிரிக்கெட் மைதானம்…!

0
104
இந்தியாவில் உலகின் மிகப்பெரிய கிரிக்கெட் மைதானம்...!
Advertisement
Advertisement

குஜராத் மாநில கிரிக்கெட் சங்கத்தின் சார்பில் உலகின் மிகப்பெரிய கிரிக்கெட் மைதானம் அகமதாபாத்தில் கட்டப்பட்டு வருகிறது.

தற்போது உலகின் மிகப்பெரிய கிரிக்கெட் மைதானமானத் திகழ்வது ஆஸ்திரேலியாவில் உள்ள மெல்போர்ன் கிரிக்கெட் மைதானம்.

இதைவிடப் பெரிதாக உலகின் மிகப்பெரிய கிரிக்கெட் மைதானம் குஜராத்தில் கட்டப்படுகிறது.

இது குறித்துக் கூறியுள்ள குஜராத் மாநில கிரிக்கெட் சங்கத்தின் துணை தலைவர் பரிமள் நாத்வானி, “உலகின் மிகப்பெரிய கிரிக்கெட் மைதானத்தின் கட்டுமான பணிகள் நடைபெற்று வருகின்றன.

இது குஜராத் மாநில கிரிக்கெட் சங்கத்தின் கனவு திட்டம். இந்த மைதானத்தில் ஒரு லட்சம் பேர் அமர்ந்து போட்டிப்ப கண்டுகளிக்க வசதி இருக்கும்.” என்று தெரிவித்துள்ளார்.

அகமதாபாத் நகரில் மொடீரா பகுதியில் 63 ஏக்கர் பரப்பளவில் கட்டப்படும் இந்த மைதானத்தின் கட்டுமான பணி ரூ.700 கோடி மதிப்பீட்டில் மேற்கொள்ளப்படுகிறது.

மெல்போர்ன் கிரிக்கெட் மைதானத்தை விட பெரிய இந்த மைதானத்தில் ஒரே நேரத்தில் 3,000 கார்கள்,

10 ஆயிரம் இருசக்கர வாகனங்கள் ஆகியவற்றுக்கு பார்க்கிங் வசதி இருக்கும்.

ஒலிம்பிக் தரத்திலான நீச்சல் குளமும் மைதானத்துக்குள்ளே அமைக்கப்படுகிறது.

“இந்த மைதானம் பயன்பாட்டிற்கு வரும் போது இந்தியாவை பெருமைப்படுத்தும்.

நாட்டின் பெருமைக்குரிய சின்னமாக மாறும்.” என பரிமள் நாத்வானி ட்விட்டரில் பதிவிட்டிருக்கிறார்.

இந்தியாவில்தான் உலகிலேயே அதிக எண்ணிக்கையில் சர்வதேச கிரிக்கெட் போட்டிகளை நடத்தும் மைதானங்கள் உள்ளன.

மொத்தம் 52 மைதானங்கள் தற்போது வரை இந்தியாவில் உள்ளன. அடுத்தபடியாக இங்கிலாந்தில் 23 மைதானங்கள் உள்ளன.