பட்ஜெட் 2019 – வரி விலக்கு வரம்பு உயர்வு, விவசாயிகளுக்கு நிதி உதவி

பட்ஜெட் 2019 - வரி விலக்கு வரம்பு உயர்வு, விவசாயிகளுக்கு நிதி உதவி
Advertisement
Advertisement

பிரதமர் நரேந்திர மோடி தலைமையிலான பாஜக அரசு தனது ஆட்சி காலத்தின் கடைசி பட்ஜெட்டை தாக்கல் செய்தது.

நிதி அமைச்சர் அருண் ஜேட்லி சிறுநீரக சிகிச்சைக்காக அமெரிக்காவுக்குச் சென்றுள்ளதால், இடைக்கால நிதி அமைச்சர் பியூஷ் கோயல் மத்திய இடைக்கால பட்ஜெட்டை தாக்கல் செய்தார்.

இதில் தனிநபர் வருமான வரி உச்ச வரம்பு ரூ.5 லட்சமாக அதிகரிப்பு, விவசாயிகளுக்கு ஆண்டுதோறும் ரூ.6000 நிதி உதவி, அமைப்புசாரா தொழிலாளர்களுக்கு புதிய ஓய்வூதியத் திட்டம் என பல கவர்ச்சிகரமான அறிவிப்புகள் இடம்பெற்றன.

பட்ஜெட் தாக்கலைத் தொடர்ந்து மக்களவை ஜனவரி 4 வரை ஒத்திவைக்கப்பட்டது.

13ஆம் தேதி வரை நடக்கும் இந்த பட்ஜெட் கூட்டத்தொடரில் 10 அமர்வுகள் நடைபெறும்.

பிப்ரவரி 4 முதல் 8 வரை பட்ஜெட் குறித்த கேள்விகளுக்கு பதில் அளிக்கப்படும்.

இடைக்கால பட்ஜெட்டின் முக்கிய அம்சங்கள்:

  • வீட்டுக்கடன் வட்டி சலுகை இனி இரண்டு வீடுகளுக்கு வழங்கப்படும். வீட்டு வாடகைக்கான வரி விலக்கு ரூ.1.8 லட்சத்திலுருந்து ரூ.2.4 லட்சமாக உயர்வு
  • நிரந்தரக் கழிவுக்கான வரம்பு ரூ.50 ஆயிரமாக உயர்வு. இனி, டெபாசிட்டில் ரூ.50,000 வரை வட்டி பெறுவதற்கு வரி பிடித்தம் கிடையாது.
  • பி.எஃப். போன்றவற்றில் முதலீடு செய்பவர்களுக்கு ரூ.6.5 லட்சம் வரை வருமான வரி விலக்கு.
  • தனிநபர் வருமான வரி உச்ச வரம்பு ரூ.2.5 லட்சத்திலிருந்து ரூ.5 லட்சமாக அதிகரிக்கப்பட்டுள்ளது. இதன் மூலம் 3 கோடி பேர் பயன் பெறுவர்.
  • மத்திய அரசு திட்டங்களுக்கு 3.21 கோடி நிதி ஒதுக்கீடு
  • தேசிய கல்வித் திட்டத்திற்கு ரூ.38,572 கோடி நிதி ஒதுக்கீடு
  • அடுத்த 5 ஆண்டுகளில் இந்தியா 5 லட்சம் கோடி பொருளாதாரம் கொண்ட நாடாக உருவாகும். 10 லட்சம் கோடி பொருளாதாரத்தை 8 ஆண்டுகளில் எட்ட திட்டம்.
  • பணமதிப்பு நீக்கம் மூலம் 3.38 லட்சம் போலி நிறுவனங்கள் கண்டுபிடிக்கப்பட்டு, நடவடிக்கை எடுக்கப்பட்டிருக்கிறது.
  • ரூ.1.30 லட்சம் கோடி கருப்பு பணம் பறிமுதல். 50,000 கோடி கணக்கில் வராத சொத்துக்கள் கண்டறியப்பட்டன. ரூ.6,900 கோடி மதிப்பில் பினாமி சொத்துக்கள் பறிமுதல். வெளிநாடுகளில் முறைகேடாக வாங்கப்பட்ட ரூ.1,600 கோடி மதிப்பிலான சொத்துக்கள் முடக்கம்.
  • ரயில்வே மேம்பாட்டுக்கு 65,587 கோடி ஒதுக்கீடு
  • வரி வருவாய் 38,000 கோடியிலிருந்து 12 லட்சம் கோடிக்கு அதிகமாக உள்ளது. வருமான வரி கணக்கு தாக்கல் 3.79 கோடியிலிருந்து 6.85 கோடியாக அதிகரிப்பு.
  • 5 ஆண்டுகளில் ஜன் தன் கணக்குகள் தொடங்கப்பட்டுள்ளன.
  • தினமும் 27 கி.மீ. தொலைவுக்கு நெடுஞ்சாலை அமைக்கப்படுகிறது.
  • மொபைல் டேட்டா பயன்பாடு 5 ஆண்டுகளில் 50% அதிகரிப்பு.
  • ஒரே பதவி ஒரே ஓய்வூதியம் திட்டத்துக்கு ரூ.35,000 கோடி ஒதுக்கீடு
  • 5 ஆண்டுகளில் ஜன் தன் கணக்குகள் தொடங்கப்பட்டுள்ளன.
  • தினமும் 27 கி.மீ. தொலைவுக்கு நெடுஞ்சாலை அமைக்கப்படுகிறது.
  • மொபைல் டேட்டா பயன்பாடு 5 ஆண்டுகளில் 50% அதிகரிப்பு.
  • ஒரே பதவி ஒரே ஓய்வூதியம் திட்டத்துக்கு ரூ.35,000 கோடி ஒதுக்கீடு
  • வேலைக்குச் செல்லும் பெண்களுக்கு பேறுகால விடுப்பு 26 வாரங்கள்
  • பாதுகாப்புத்துறைக்கு 3 லட்சம் கோடி ஓதுக்கடு
  • உலக அளவில் ஸ்டார்ட் அப் நிறுவனங்களை அதிகம் ஈர்த்துள்ள நாடுகளில் இந்தியா 2வது இடத்தில் உள்ளது.
  • நாடு முழுவதும் எங்கும் ஆளில்லா லெவல் கிராசிங்குகள் இல்லாத நிலை ஏற்பட்டுள்ளது.
  • பி.எஃப். சந்தாதாரர் உயிரிழந்தால் வழங்கப்படும் நிதி 6 லட்சம் ரூபாயாக உயர்வு.
  • மாதம் 15 ரூபாய்க்குக் கீழ் ஊதியம் பெறுவோருக்கும் புதிய ஓய்வூதியத் திட்டம்
  • அமைப்பு சாரா தொழிலாளர்களுக்கு சிறப்பு ஓய்வூதியத் திட்டம். இத்திட்டத்தில் மாத ஓய்வூதியமாக குறைந்ந்தபட்சம் ரூ.3000 கிடைக்கும். இந்த புதிய ஓய்வூதியத் திட்டம் மூலம் 10 கோடி பேருக்கு பலன் கிடைக்கும்.
  • பேரிடரால் பாதிக்கப்பட்ட விவசாயிகளுக்கு பயிர்கடனில் வட்டி 2% குறைக்கப்படும். குறித்த காலத்தில் கடனை திரும்பச் செலுத்தினால் மேலும் 3% வட்டி தள்ளுபடி
  • கால்நடை மற்றும் மீன் வளர்க்கும் விவசாயிகளுக்கு 2% வட்டி சலுகை.
  • தேசிய ஓய்வூதியத் திட்டத்தில் மத்திய அரசின் பங்கு 10%லிருந்து 14% ஆக அதிகரிப்பு.
  • மீனவர் நலனுக்காக மத்திய மீன்வளத்துறை உருவாக்கப்படும்.
  • பசு பாதுகாப்பு மற்றும் பால் உற்பத்தியை அதிகரிக்க காமதேனு திட்டம்.
  • கிசான் கிரெடிட் கார்டு வைத்திருப்பவர்களுக்கு வட்டி மானியம் இரட்டிப்பு.
  • விவசாயிகளுக்கு நிதி உதவி வழங்கும் திட்டத்துக்கு ரூ.75,000 கோடி.
  • 2 ஹெக்டேர் வரை நிலம் வைத்திருக்கும் விவசாயிகளுக்கு ஆண்டுக்கு ரூ.6,000 நிதி உதவி ரூ.2,000 வீதம் மூன்று தவணையாக வங்கிக் கணக்கில் செலுத்தப்படும். இதன் மூலம் 12 கோடி விவசாயக் குடும்பங்களுக்குப் பயன் கிடைக்கும்.