நிறைவடையும் யானைகள் நலவாழ்வு முகாம்..!

நிறைவடையும் யானைகள் நலவாழ்வு முகாம்..!
Advertisement
Advertisement

கோவை மாவட்டம் தேக்கம்பட்டியில் நடைபெற்று வரும் யானைகள் நலவாழ்வு முகாம் இன்றுடன் நிறைவடைகிறது.

தமிழகத்திலுள்ள கோயில்கள் மற்றும் திருமடங்களைச் சேர்ந்த யானைகளுக்குப் புத்துணர்வு அளிக்கும் வகையில்,

இந்து சமய அறநிலையத் துறை சார்பில் யானைகள் நலவாழ்வு முகாம் 2003-ஆம் ஆண்டு துவங்கப்பட்டது.

நீலகிரி மாவட்டம், தெப்பக்காட்டில் 4 ஆண்டுகள் நடைபெற்ற இந்த முகாம் அதற்குப் பின்னர்,

கோவை மாவட்டம், மேட்டுப்பாளையம் தேக்கம்பட்டி பவானி ஆற்றுப் படுகையில் தொடர்ந்து நடைபெற்று வருகிறது.

இந்நிலையில் 11வது யானைகள் சிறப்பு நலவாழ்வு முகாம் மேட்டுப்பாளையம் வன பத்ரகாளியம்மன் கோயில் அருகே

தேக்கம்பட்டி பவானி ஆற்றுப் படுகையில் கடந்த டிசம்பர் மாதம் 15ஆம் தேதி தொடங்கியது.

6 ஏக்கர் நிலப் பரப்பில் அமைக்கப்பட்டு இருந்த இந்த யானைகள் முகாமில், தமிழகத்தில் இருந்து 26 யானைகளும்,

புதுச்சேரியில் இருந்து 2 யானைகளும் என மொத்தம் 28 யானைகள் முகாமில் பங்கேற்றுள்ளன.

முகாமில், யானைகளுக்கு மருத்துவப் பரிசோதனை நிலையம், யானைகள் நடைப்பயிற்சி மேற்கொள்வதற்காக 3.4 கி.மீ தொலைவுக்கு நடைபாதை, ஷவர் குளியல் வசதி ஏற்படுத்தப்பட்டு புத்துணர்வு அளிக்கப்பட்டது.

அந்தவகையில் 48வது நாளாக நடைபெறும் இந்த முகாம் இன்றுடன் நிறைவு பெறுகிறது.

இதையடுத்து யானைகள் மீண்டும் கோவில்களுக்கு திரும்ப ஏற்பாடுகள் செய்யப்பட்டுள்ளன.