தேர்தலுக்கு போட்டியான சித்திரை திருவிழா..! அறிக்கை அளிக்க ஆட்சியருக்கு உத்தரவு..!

தேர்தலுக்கு போட்டியான சித்திரை திருவிழா..! அறிக்கை அளிக்க ஆட்சியருக்கு உத்தரவு..!
Advertisement
Advertisement

சித்திரை திருவிழாதொடர்பான ஆவணங்களை இன்றைக்குள் தாக்கல் செய்ய வேண்டும் என்று மதுரை மாவட்ட ஆட்சியருக்கு தமிழக தலைமை தேர்தல் அதிகாரி உத்தரவிட்டுள்ளார்.

தமிழகத்தில்  21 சட்டமன்ற தொகுதிகள் காலியாக உள்ளன. இந்த தொகுதிகளுக்கு 6 மாதத்திற்குள் தேர்தல் நடத்தப்பட வேண்டும் என்பது தேர்தல் விதியாகும்.

இந்த சூழலில் மக்களவை தேர்தல் தேதி அறிவிக்கப்பட்டது. இதையடுத்து தமிழகத்தில் காலியாக உள்ள 21 சட்டமன்ற தொகுதிகளுக்கும் இடைத்தேர்தல் அறிவிக்கப்பட்டது.

மக்களவை தேர்தலுடன் சேர்த்து, இடைத்தேர்தலும் நடக்கும் என அறிவிக்கப்பட்டுள்ளது.

ஆனால் 21 தொகுதிகளில் 18 தொகுதிகளுக்கு மட்டும் மக்களவை தேர்தலுடன் தேர்தல் நடத்தப்படும் என தமிழக தேர்தல் ஆணையர் சத்யபிரதா சாஹூ தெரிவித்துள்ளார்.

ஓட்டப்பிடாரம், அரவக்குறிச்சி மற்றும் திருப்பரங்குன்றம் ஆகிய தொகுதிகளுக்கு தற்போதைக்கு இடைத்தேர்தல் இல்லை என தெரிவிக்கப்பட்டுள்ளது.

இந்நிலையில், மதுரை மாவட்டத்தில் ஏப்ரல் 18 அன்று மதுரை மீனாட்சி அம்மன் கோவில் தேரோட்டம் மற்றும் இரவு கள்ளழகர் எதிர்சேவை நடைபெறுகிறது.

இதனால் மதுரை மாவட்டம் மற்றும் அதை சுற்றியுள்ள பகுதிகளில் இருந்து திருவிழாவைக்காண ஏராளமான மக்கள் வருவதால், வாக்குப்பதிவு பாதிப்படைய வாய்ப்புகள் நிறையவே உள்ளது.

இதுகுறித்து தலைமை தேர்தல் அதிகாரியிடம் தெரிவிக்கப்பட்டு முடிவு செய்யப்படும் என தமிழக தேர்தல் ஆணையர் சத்யபிரதா சாஹூ தெரிவித்துள்ளார்.

இதற்கிடையில், தற்போது மதுரை சித்திரை திருவிழா தொடர்பான ஆவணங்களை இன்றைக்குள் தாக்கல் செய்ய வேண்டும் என்று,

மதுரை மாவட்ட ஆட்சியருக்கு தலைமை தேர்தல் அதிகாரி சத்யபிரதா சாஹூ உத்தரவிட்டுள்ளார் என்பது குறிப்பிடத்தக்கது.