ஆஸ்திரேலியாவில் சாதனை படைத்த இந்திய அணி…!

ஆஸ்திரேலியாவில் சாதனை படைத்த இந்திய அணி...!
Advertisement
Advertisement

இந்திய கிரிக்கெட் அணி 4 டெஸ்ட் போட்டிகள் தொடரில் விளையாட ஆஸ்திரேலியா சென்றது.

முதல் மூன்று டெஸ்ட் போட்டிகளில் 2 – 1 என இந்திய அணி முன்னிலை பெற்றது. இந்நிலையில் 4வது மற்றும் கடைசி டெஸ்ட் போட்டி சிட்னியில் நடைபெற்றது.

இதில் டாஸ் வென்ற இந்திய அணி பேட்டிங்கை தேர்வு செய்தது. முதல் இன்னிங்சில் புஜாரா 193, பண்ட் 159 ரன்கள் எடுத்து அசத்தினர். ஜடேஜா 81, அகர்வால் 77 ரன்கள் எடுத்தனர். 7 விக்கெட் இழப்பிற்கு 622 ரன்கள் எடுத்த போது, இந்திய அணி டிக்ளர் செய்தது.

இதையடுத்து தனது முதல் இன்னிங்ஸை தொடங்கிய ஆஸ்திரேலிய அணி, 300 ரன்களுக்கு ஆட்டமிழந்தது.

இதனால் பாலோ ஆன் ஆனது. இந்திய அணியின் குல்தீப் யாதவ் 5 விக்கெட்கள் வீழ்த்தி அசத்தினார்.

தொடர்ந்து 2வது இன்னிங்ஸை ஆடிய ஆஸ்திரேலிய அணியின் தொடக்க வீரர்கள் கவாஜா 4, ஹாரிஸ் 2 ரன்கள் எடுத்து ஆடி வந்த நிலையில்,

மழை குறுக்கிட்டது. 5வது ஆட்டத்திலும் மழை தொடர்ந்து பெய்ததால், ஆட்டம் டிராவில் முடிந்ததாக அறிவிக்கப்பட்டது.

ஏற்கனவே 2 – 1 என இந்திய அணி முன்னிலை பெற்றுள்ளதால், டெஸ்ட் தொடரை வென்றது. ஆஸ்திரேலிய மண்ணில் முதல் முறையாக டெஸ்ட் தொடரை வென்று இந்திய அணி சாதனை படைத்துள்ளது