10% இடஒதுக்கீடு சட்டத்தை தடை செய்ய உச்சநீதிமன்றம் மறுப்பு..!

10% இடஒதுக்கீடு சட்டத்தை தடை செய்ய உச்சநீதிமன்றம் மறுப்பு..!
Advertisement
Advertisement

பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்தை தடைசெய்ய உச்சநீதிமன்றம்மறுப்பு தெரிவித்துள்ளது.

பொருளாதாரத்தில் நலிவடைந்த பொதுப்பிரிவினருக்கு கல்வி மற்றும் வேலைவாய்ப்பில் 10% இடஒதுக்கீடு வழங்கும் சட்டம் அண்மையில் நிறைவேற்றப்பட்டது.

இதற்கு பல்வேறு தரப்பில் இருந்து ஆதரவும், எதிர்ப்பும் கிளம்பின.

இதையடுத்து மத்திய அரசின் இந்த புதிய சட்டத்தை தடை செய்யுமாறு இளைஞர்கள் அமைப்பினர் (Youth For Equality Organisation) சார்பில் உச்சநீதிமன்றத்தில் வழக்கு தொடரப்பட்டது.

இந்நிலையில், 10 சதவீத இடஒதுக்கீட்டை தடை செய்யுமாறு தாக்கல் செய்யப்பட்ட வழக்கு,

உச்சநீதிமன்ற தலைமை நீதிபதி ரஞ்சன் கோகாய், நீதிபதி சஞ்சீவ் கண்ணா அடங்கிய அமர்வில் விசாரணைக்கு வந்தது.

வழக்கை விசாரித்த நீதிபதிகள், 10% இடஒதுக்கீடு சட்டத்தை தடை செய்ய மறுப்பு தெரிவித்தனர்.

மேலும், இது தொடர்பாக 4 வாரங்களுக்குள் மத்திய அரசு பதிலளிக்க வேண்டும் என்றும் நீதிபதிகள் உத்தரவிட்டனர்.

முன்னதாக 10% இடஒதுக்கீட்டிற்கு எதிராக திமுக அமைப்புச் செயலாளர் ஆர்.எஸ். பாரதி சென்னை உயர்நீதிமன்றத்தில் வழக்கு தொடர்ந்தார்.

அந்த வழக்கில் மத்திய அரசு 2 வாரங்களில் பதிலளிக்க வேண்டும் என்று கூறி ஆணை பிறப்பிக்கப்பட்டது குறிப்பிடத்தக்கது.