இன்று 10ஆம் வகுப்பு பொதுத்தேர்வுகள் தொடக்கம்..!

0
133
இன்று 10ஆம் வகுப்பு பொதுத்தேர்வுகள் தொடக்கம்..!
Advertisement
Advertisement

தமிழ்நாடு மற்றும் புதுச்சேரியில் 9 லட்சத்து 97 ஆயிரத்து 794 மாணவ, மாணவிகள் இன்று 10ஆம் வகுப்பு பொதுத்தேர்வை எழுதுகின்றனர்.

இதில் 4 லட்சத்து 83 ஆயிரத்து 300 மாணவர்களும், 4 லட்சத்து 76 ஆயிரத்து 318 மாணவிகளும், மூன்றாம் பாலினத்தவர்கள் 4 பேரும் அடங்குகின்றனர்.

தனித் தேர்வர்கள் 38 ஆயிரத்து 172 பேரும் தேர்வு எழுதுகின்றனர்.

இதைத் தவிர்த்து மத்திய சிறைகளில் இருக்கின்ற 152 கைதிகள், பல்வேறு சிறைகளில் ஏற்படுத்தப்பட்டுள்ள மையங்களில் தேர்வு எழுதுகின்றனர்.

மொத்தம் 3,731 தேர்வு மையங்கள் அமைக்கப்பட்டுள்ளன. முதல் நாளான இன்று தமிழ் முதல் தாள் தேர்வு நடைபெறுகிறது.

தமிழ், ஆங்கிலத் தேர்வுகள் மட்டும் பிற்பகல் 2 மணிக்கு தொடங்கி 4.45 மணி வரை நடக்கிறது.

பிற தேர்வுகள் காலை 10 மணி முதல் நண்பகல் 12.45 மணி வரை நடக்கிறது. மாணவர்கள் வசதிக்காக தேர்வு கட்டுப்பாட்டு அறை அமைக்கப்பட்டுள்ளது.

தேர்வு அறைக்குள் செல்போன் எடுத்துச் செல்ல தடை விதிக்கப்பட்டுள்ளது.

இது மாணவர்கள், ஆசிரியர்கள் என இருதரப்பினருக்கும் பொருந்தும். மாணவர்கள் ஏதேனும் ஒழுங்கீனச் செயல்களில் ஈடுபட்டால், கடும் நடவடிக்கை எடுக்கப்படும் என்று எச்சரிக்கை விடுக்கப்பட்டுள்ளது.