மார்கழியின் மகிமகளை அறிவோமா…??

மார்கழியின் மகிமகளை அறிவோமா...??
Advertisement
”மாதங்களில் நான் மார்கழியாக இருக்கிறேன். இந்த மாதம் தேவர்களின் மாதம்” என்று பகவான் ஸ்ரீ கிருஷ்ணனே கூறியிருக்கிறார்.மார்கழியின் மகிமகளை அறிவோமா…??
இதேபோல் ஏராளமான சிறப்புகள் கொண்டது மார்கழி மாதம் இன்று பிறந்துள்ளது.
அதிகாலையில் எழுந்து கோலம் இட்டு, சாணத்தால் பிள்ளையார் பிடித்து வைத்து, பூக்களால் அலங்கரித்து மார்கழியை வரவேற்பது வழக்கம்.
அந்த காலத்தில் தங்கள் வீட்டில் பெண் பிள்ளை திருமணத்திற்கு தயாராக இருக்கிறார்கள் என்பதை உணர்த்தும் வகையில், கோலத்தின் மீது பூசணிப் பூ வைப்பார்கள்.
இது அதிகாலையில் வீதி பஜனைக்கு வருபவர்கள் கண்ணி படும் வகையில் வைக்கப்படும். இதன் விவரத்தை அவர்கள் புரிந்து கொண்டு, மார்கழி முடிந்ததில், தை மாதம் திருமணம் பேசி முடித்து விடுவார்கள்.

Advertisement

எல்லா கஷ்டமும் நீங்கி, தைத் திங்களில் இருந்து புது வாழ்வு மலர வேண்டும் என்று இம்மாதத்தில் தான் பிரார்த்திக்கப்படும்.

பெருமைகள் நிறைந்த மாதம் என்பதே மருவி “பீடை” என்று ஆனது. ஏனெனில் “பீடு” என்றால் ”பெருமை” எனப் பொருள்படும்.
மார்கழியின் 30 நாட்களும் விரதம் இருந்து, பெருமாளைத் தனது கணவனாக ஆண்டாள் ஏற்றுக் கொண்டாள் என்று கூறுவது உண்டு.

மார்கழி மாதத்தில் அதிகாலையிலேயே ஆலய வழிபாடு தொடங்கிவிடும். அதாவது திருப்பள்ளி எழுச்சி பூஜை நடைபெறும்.

சிதம்பரம் கோவிலில் மார்கழி மாத ஆருத்ரா தரிசனமும், ஸ்ரீரங்கத்தில் வைகுண்ட ஏகாதசியும் முக்கிய நிகழ்வுகளாகும்.
மார்கழி மாதத்திற்கு ஏராளமான புராண சிறப்புகள் உண்டு. அதாவது, மகாபாரத யுத்தம் இம்மாதத்தில் தான் நடந்ததாம்.
மேலும் ஆண்டாள் திருமாலை மணம் முடித்ததும் இந்த மாதம் தான்.
ஒவ்வொரு ஆண்டும் டிசம்பர் மாதம் முதல் மே மாதம் வரை சூரியன் தெற்கில் இருந்து வடக்கிற்கும், ஜூன் மாதம் முதல் நவம்பர் வரை வடக்கில் இருந்து தெற்கு நோக்கியும் செல்கிறான்.
சூரியனின் ஓட்டத்தில் இந்த மாற்றங்கள் நிகழும் போது, புவியின் சக்தி சூழ்நிலையிலும் பல மாற்றங்கள் உண்டாகும்.

எனவே குறிப்பிட்ட விதத்தில் கோலம் இடுவதால், அந்தச் சக்தியை நம் வீட்டிற்குள் கிரகித்துக் கொள்ளலாம்.

பூமத்திய ரேகையில் இருந்து 32 டிகிரி அட்ச ரேகையில் பெரிய அளவில் மாற்றங்கள் நடைபெறும்.
இந்தப் பரப்பில் தான் தமிழ்நாடு, ஆந்திரா, கர்நாடகா போன்ற மாநிலங்கள் அமைந்துள்ளன. முக்தி நோக்கிலுள்ள மக்களுக்கு மார்கழியில் தொடங்கும் உத்தராயணம் முக்கியமானதாக இருக்கிறது.