சிவகாசியில் இன்று முழு கடையடைப்பு..!

சிவகாசியில் இன்று முழு கடையடைப்பு..!
Advertisement
Advertisement

பட்டாசு ஆலைகளை திறக்க வலியுறுத்தி, சிவகாசி சுற்று வட்டார பகுதிகளில் இன்று முழு கடையடைப்பு போராட்டம் நடைபெற்று வருகிறது.

பட்டாசு உற்பத்திக்கு உச்ச நீதிமன்றம் விதித்த நிபந்தனைகளை தளர்த்த கோரி,

விருதுநகர் மாவட்டத்தில் சிவகாசி மற்றும் அதன் சுற்றுப்பகுதியில் இயங்கி வந்த 1070 பட்டாசு ஆலைகள் மூடப்பட்டுள்ளன.

இதனால், இத்தொழிலில் நேரடியாகவும், மறைமுகமாகவும் ஈடுபட்டுள்ள 8 லட்சம் தொழிலாளர்களின் வாழ்வாதாரம் மிகவும் பாதிக்கப்பட்டுள்ளது.

இந்நிலையில், பட்டாசு ஆலைகளை திறக்க நடவடிக்கை எடுக்க வலியுறுத்தி,

சிவகாசியில் பட்டாசு உற்பத்தியாளர்கள் சங்கம், தொழிலாளர்கள் சங்கம், அச்சக உரிமையாளர்கள் சங்கம்,

சிறுவணிகர்கள் சங்கம் சார்பில் இன்று கடையடைப்பு போராட்டத்தில் ஈடுபடப் போவதாக அறிவித்து இருந்தனர்.

அதன்படி இன்று சிவகாசி மற்றும் திருத்தங்கல், வெம்பக்கோட்டை, தாயில் பட்டி மற்றும் சுற்று வட்டார பகுதிகளில் 5 ஆயிரத்துக்கும் மேற்பட்ட பெரிய மற்றும் சிறிய கடைகள் அடைக்கப்பட்டு உள்ளன.

இதன் காரணமாக மார்க்கெட், பேருந்து நிலையம் மற்றும் முக்கிய இடங்களில் மக்கள் கூட்டம் குறைவாகவே காணப்பட்டது.

மேலும் விருதுநகர் மாவட்ட ஆட்சியர் அலுவலகத்தில் காத்திருப்புப் போராட்டம் நடத்த பட்டாசு தொழிலாளர்கள் முடிவு செய்துள்ளனர்.

இதனால் அசம்பாவிதங்கள் நேரமால் தடுக்க சிவகாசி முழுவதும் பலத்த போலீஸ் பாதுகாப்பு போடப்பட்டுள்ளது.

எனவே பட்டாசு ஆலைகளை உடனே திறக்க மத்திய, மாநில அரசுகள் நடவடிக்கை எடுக்க வேண்டும் என பல்வேறு அரசியல் கட்சிகளும், அமைப்புகளும் கோரிக்கை விடுத்துள்ளனர்.