கோலியின் இடம் கிடைக்கும்ன்னு நினைச்சு கூட பார்க்கல: விஜய் சங்கர்..!

கோலியின் இடம் கிடைக்கும்ன்னு நினைச்சு கூட பார்க்கல: விஜய் சங்கர்..!
Advertisement
Advertisement

நியூசிலாந்துக்கு எதிரான மூன்றாவது டி-20 போட்டியில் கோலியின் பேட்டிங் இடமான மூன்றாவது இடத்தில் களமிறங்கியது,

தனக்கே ஆச்சரியமான விஷயம் தான் என இந்திய கிரிக்கெட் வீரர் விஜய் சங்கர் தெரிவித்துள்ளார்.

நியூசிலாந்து சென்ற இந்திய அணி, 3 டி-20 போட்டிகள் கொண்ட தொடரில் பங்கேற்றது.

முதல் போட்டியில் இந்திய அணி 80 ரன்கள் வித்தியாசத்தில் படுதோல்வியை சந்தித்தது.

இதற்கு இரண்டாவது போட்டியில் 7 விக்கெட் வித்தியாசத்தில் வெற்றி பெற்று தொடரை 1-1 என சமன் செய்தது.

தவறவிட்ட இந்திய அணி: 

இந்நிலையில் இரு அணிகள் மோதிய மூன்றாவது டி-20 போட்டி ஹாமில்டனில் நடந்தது.

இதில் இந்திய அணி கடைசி வரை போராடி 4 ரன்னில் தோல்வியை சந்தித்தது.

தவிர, நியூசிலாந்து மண்ணில் டி-20 தொடரை கைப்பற்றும் அரிய வரலாறையும் தவறவிட்டது.

இப்போட்டியில் கோலியின் பேட்டிங் இடமான மூன்றாவது இடத்தில் களமிறங்கியது, தனக்கே ஆச்சரியமான விஷயம் தான் என இந்திய கிரிக்கெட் வீரர் விஜய் சங்கர் தெரிவித்துள்ளார்.

இதுகுறித்து விஜய் சங்கர் கூறுகையில்,

‘என்னை மூன்றாவது வீரராக களமிறங்க சொன்ன போது ஆச்சரியமாக தான் இருந்தது. இது கோலியின் பேட்டிங் இடம், இது கிடைத்தது மிகப்பெரிய விஷயம்.

அதனால் மிகவும் கவனமாக விளையாடினேன். இந்திய அணிக்காக எந்த இடத்திலும் விளையாட தயாராக உள்ளேன்.

ஆஸ்திரேலியா, நியூசிலாந்து தொடர்களில் பல விஷயங்களை கற்றுக்கொண்டேன். பெரும்பாலும் நான் அதிக அளவில் பவுலிங் செய்வது இல்லை.

தற்போது புது சூழ்நிலையில் பவுலிங் செய்தது மூலம் பல விஷயங்கள் புரிந்தது.

அதே போல பேட்டிங்கில் சீனியர்களான கோலி, ரோகித் சர்மா, தோனி எப்படி பேட்டிங் செய்கிறார்கள் என்பதை பார்த்து புது நுணுக்கங்களை கற்றுக்கொண்டேன்.

இனியும் தொடர்ந்து பேட்டிங்கில் முன்வரிசை வீரராக களமிறங்கவே விரும்புகிறேன்.’ என்றார்.