நீட் தேர்வு முடிவுகள் இன்று வெளியீடு..!

நீட் தேர்வு முடிவுகள் இன்று வெளியீடு..!
Advertisement
Advertisement

2019 – 20ஆம் கல்வியாண்டில் மருத்துவ பட்ட மேற்படிப்பு மாணவர் சேர்க்கைக்கான நீட் தேர்வு (NEET PG) முடிவுகள் இன்று வெளியிடப்பட உள்ளன.

நாடு முழுவதும் அரசு மற்றும் தனியார் மருத்துவ கல்லுாரிகளில் எம்.டி., மற்றும் எம்.எஸ்., உள்ளிட்ட,

மருத்துவ பட்ட மேற்படிப்பு மற்றும் பட்டய மேற்படிப்புக்கு, சேர்வதற்கு NEET PG தேர்வு நடத்தப்படுகிறது.

தேசிய தேர்வுகள் வாரியம் நடத்தும் இத்தேர்வில் தேர்ச்சி பெற்ற, எம்.பி.பி.எஸ்., டாக்டர்கள் இப்படிப்புகளுக்கு சேர்க்கப்படுகின்றனர்.

இப்படிப்புகளில் சேர்வதற்கு நாடு முழுக்க மொத்தம் 26,000க்கு மேற்பட்ட இடங்கள் உள்ளன. தமிழகத்தில் மட்டும் 2,500 இடங்கள் உள்ளன.

2019 – 20ஆம் கல்வியாண்டுக்கான மாணவர் சேர்க்கைக்காக நீட் தேர்வு, நாடு முழுவதும்,

சென்னை, கோவை உள்ளிட்ட, 148 நகரங்களில் கடந்த ஜனவரி 6ஆம் தேதி நடத்தப்பட்டது.

இத்தேர்வை ஒரு லட்சத்துக்கும் மேற்பட்ட எம்.பி.பி.எஸ்., பட்டம் பெற்ற டாக்டர்கள் எழுதியுள்ளனர்.

தமிழகத்தைச் சேர்ந்த 20,000க்கு அதிகமானவர்களும் இத்தேர்வை எழுதியுள்ளனர்.

இத்தேர்வுக்கான முடிவுகள் தேசிய தேர்வுகள் வாரியத்தின் அதிகாரப்பூர்வ இணையதளத்தில் (www.natboard.edu.in என்ற) இன்று வெளியிடப்படுகின்றன.