பத்மஸ்ரீ விருதை ஏற்க மறுப்பு!

0
105
பத்மஸ்ரீ விருதை ஏற்க மறுப்பு!
Advertisement
Advertisement

ஒடிசா முதல்வரின் சகோதரி கீதா மேத்தா, தனக்கு வழங்கப்பட்ட பத்மஸ்ரீ விருதை ஏற்க மறுப்பு தெரிவித்துள்ளார்.

குடியரசு தினத்தை முன்னிட்டு பல துறைகளில் சிறந்த விளங்கியவர்களுக்கு அறிவிக்கப்பட்ட பத்மஸ்ரீ விருதுகள் வழங்கப்படும்.

அந்த வகையில், ஒடிசா முதல்வர் நவீன் பட்நாயக்கின் சகோதரி கீதா மேத்தாவுக்கு பத்மஸ்ரீ விருது அறிவிக்கப்பட்டுள்ளது.

இலக்கியம் மற்றும் கல்வித்துறையில் சிறப்பாக சேவையாற்றியதால் அவருக்கு இந்த விருது அறிவிக்கப்பட்டுள்ளது.

இந்நிலையில், தனக்கு அறிவிக்கப்பட்ட பத்மஸ்ரீ விருதை ஏற்க கீதா மேத்தா மறுப்பு தெரிவித்துள்ளார்.

இது குறித்து நியூயார்க் பத்திரிகைக்கு அவர் அளித்துள்ள பேட்டியில்,

‘தற்போது லோக்சபப தேர்தல் வரவுள்ளது. தேர்தல் நெருங்கும் நேரத்தில் இது போன்ற விருதுகள் ஏற்பது என்பது சலுகை வழங்குவது போல் இருக்கும்.

இது எனக்கும் என் அரசு மீதும் தவறான புரிதலை ஏற்படுத்தக்கூடும். மற்றபடி என்னை பத்மஸ்ரீ விருதுக்கு தேர்ந்தெடுத்தமைக்கு இந்திய அரசுக்கு மரியாதை செலுத்துகிறேன்’ இவ்வாறு தெரிவித்துள்ளார்.

ஒடிசாவின் முன்னாள் முதல்வர் பீஜூ பட்நாயக்கின் மூன்று குழந்தைகளில் ஒருவர் தான் கீதா என்பது குறிப்பிடத்தக்கது.