காதலர் தினத்திற்கு டேட்டிங் போக விடுமுறை…!

காதலர் தினத்திற்கு டேட்டிங் போக விடுமுறை..!
Advertisement
Advertisement

காதலர் தின கொண்டாட்டங்கள் உலகம் முழுவதும் கோலாகலமாக கொண்டாடப்பட்டு வருகின்றன.

இதில் ஒவ்வொரு நாட்டிலும் ஒவ்வொரு விதமான நடைமுறைகள் கடைப்பிடிக்கப்பட்டு வருகின்றன.

சீனாவில் 25 வயதை கடந்த பெண்களை “ஷெங் நு” அல்லது “எஞ்சிய பெண்கள்” என அழைக்கப்படுவர்.

அந்நாட்டில் திருமணம் செய்து கொள்ளும் ஆசை குறைந்து வருவதாகவும், ஒரு குழந்தை திட்டத்தால், தற்போது முதியவர்களின் எண்ணிக்கை அதிகரித்து இளைஞர்களின் எண்ணிக்கை குறைந்து வருவதாக மிகுந்த வருத்தத்தில் ஆழ்ந்துள்ளது.

இதனால் இரண்டு குழந்தைகள் பெற்றுக் கொள்ளலாம் என்றும், திருமணம் பற்றி கவலை அடைந்தும் உள்ளது அரசு.

டேட்டிங் செல்ல விடுமுறை :

சீனாவில் ஒவ்வொரு ஆண்டும் புது வருட பிறப்பாக பிப்ரவரி 5ம் தேதி கொண்டாடப்படுகிறது.

அப்போது வருட விடுமுறையாக 7 நாட்கள் வழங்கப்படுவது வழக்கம்.

இந்நிலையில் சீனாவை சேர்ந்த இரு நிறுவனங்கள் 25 முதல் 30 வயதுக்கு மேற்பட்ட பெண்களுக்கு கூடுதலாக 8 நாட்கள் விடுமுறை எடுத்துக் கொள்ளலாம் என அறிவித்தது.

இந்நிலையில் காதலர் தினம் நெருங்கியுள்ள நிலையில் இந்த விடுமுறையை மேலும் நீட்டிதுக் கொள்ளலாம் என அந்த நிறுவனங்கள் தெரிவித்துள்ளன. இது சீனாவில் மட்டுமல்லாமல் உலகளவில் பிரபலமடைந்துள்ளது.