தமிழ் மொழியை வளர்க்க ரூ.200 கோடியில் திட்டம்..!

தமிழ் மொழியை வளர்க்க ரூ.200 கோடியில் திட்டம்..!
Advertisement
Advertisement

தமிழ் மொழியை வளர்க்க ரூ.200 கோடியில் திட்டம் துவங்கப்பட உள்ளதாக தமிழ்மொழி கலாச்சாரம் மற்றும் தொல்லியல்துறை அமைச்சர் மா.பா.பாண்டியராஜன் தெரிவித்துள்ளார்.

வேலூர் மாவட்டம், வாணியம்பாடியில் முத்தமிழ் மன்றத்தின் சார்பில் நடைபெற்ற விழாவில், அமைச்சர் மா.பா.பாண்டியராஜன் கலந்துகொண்டு தமிழின் பெருமைகள் குறித்து பேசினார்.

பின்னர் செய்தியாளர்களிடம் அமைச்சர் மா.பா.பாண்டியராஜன் கூறுகையில்,

மெல்லதமிழ் இனி வெல்லும் என்ற தலைப்பில் தமிழின் பெருமைகள் குறித்து பேசினேன்.

தமிழ் சங்கம் இணைந்து இந்த விழாவை தமிழை வளர்க்கும் நோக்குடன் ஆண்டுதோறும் நடத்தி வருகிறார்கள்.

உலகத்தரம் வாய்ந்த தமிழ் அருங்காட்சியகங்கள் அரியலூர் உட்பட தமிழகத்தில் 4 இடங்களில் விரைவில் உருவாக்கப்படவுள்ளது.

தமிழர்களை ஒருங்கிணைத்து மேலும் தமிழை வளர்ப்பதற்கான நடவடிக்கைகள் எடுக்கப்பட்டு வருகிறது.

யுனெஸ்கோ நிறுவனம் தமிழுக்கு மண்ணின் மொழி என்ற பெருமையை வழங்கியுள்ளது.

தமிழ் சொற்குவை என்ற தலைப்பில் தமிழ் குறித்தும் தமிழ் வார்த்தைகள் குறித்தும் சந்தேகங்களை போக்கிகொள்ளவும்,

பிற மொழி சொற்களை தமிழில் அறிந்துகொள்ளவும் தமிழ் அறிஞர்களை கொண்டு கால் செண்டர்கள் அமைக்கப்படவுள்ளது.

மேலும் 11 தமிழ் வளர்ச்சி திட்டங்களும் செயல்படுத்தப்பட உள்ளது. இவ்வாறு அமைச்சர் பாண்டியராஜன் கூறினார்.