தீவிரபுயலாக இன்று கரையை கடக்கும் ’பெய்ட்டி’…!

தீவிரபுயலாக இன்று கரையை கடக்கும் ’பெய்ட்டி'...!
Advertisement
Advertisement

வங்கக்கடலில் நிலை கொண்டுள்ள பெய்ட்டி புயல், நேற்று சென்னைக்கு தென்கிழக்கே 530 கி.மீ தொலைவில் மையம் கொண்டிருந்தது.

இது தீவிர புயலாக மாறி வடக்கு வடமேற்கு திசையில் நகர்ந்து கொண்டிருக்கிறது.

இன்று பிற்பகல் ஆந்திர கடற்கரை மசூலிப்பட்டினத்திற்கும், காக்கி நாடாவிற்கும் இடையே கரையைக் கடக்கும் என்று வானிலை மையம் தெரிவித்துள்ளது. இந்த புயல் காரணமாக சென்னைக்கு பாதிப்பில்லை.

ஆனால் சென்னை மற்றும் வட தமிழகத்தில் மணிக்கு 55 முதல் 65 கி.மீ வேகத்தில் காற்று வீசும். அதிகபட்சமாக 75 கி.மீ வேகம் வரை பலத்த காற்று வீசக்கூடும். வட தமிழகத்தின் கடலோர பகுதியில் மிதமான மழையும், ஒரு சில இடங்களில் கனமழையும் பெய்யும்.

இதனால் தென்மேற்கு வங்கக்கடல் மற்றும் மேற்கு மத்திய வங்கக் கடல் பகுதிக்கு மீனவர்கள் யாரும் மீன்பிடிக்கச் செல்ல வேண்டாம் என்று எச்சரிக்கை விடப்பட்டுள்ளது.

கடலோர ஆந்திரா, ஒடிசா மாநிலங்களில் மிக பலத்த மழை பெய்யும் எனத் தெரிவிக்கப்பட்டுள்ளது.

பெய்ட்டி புயல் இன்று கரையைக் கடந்த பின் வலுவிழந்து, நாளை காற்றழுத்த மண்டலமாக நிலை பெறும் என்று வானிலை ஆய்வு மையம் தெரிவித்துள்ளது.