பிஎஸ்என்எலின் புதிய அன்லிமிட்டட் பிராட்பிராண்ட் பிளான்…!

பிஎஸ்என்எலின் புதிய அன்லிமிட்டட் பிராட்பிராண்ட் பிளான்...!
Advertisement
பிஎஸ்என்எல் நிறுவனம் பிராட்பிராண்ட் வாடிக்கையாளர்களை கவர புதிய பிளான் ஒன்றை அறிவித்துள்ளது.
குறைந்த விலை பிராட்பிராண்ட் பிளானாக அறிவிக்கப்பட்டுள்ள இந்த பிளானிற்கு எக்ஸ்பிரியன்ஸ் ஆன்லிமிட்டட் பிராட்பிராண்ட் 299 என பெயரிட்டுள்ளது.
இந்த பிளானின் படி வாடிக்கையாளர்கள் இந்தியா முழுவதும் உள்ள பிஎஸ்என்எல் நெட்வொர்க்கிற்கு இலவசமாக வாய்ஸ் கால் செய்யலாம்.
மேலும் மற்ற நெட்வொர்க்கிற்கு இரவு 10.30 மணி முதல் காலை 6 மணி வரை இலவச அழைப்புகளை பெறலாம்.
மேலும் ஞாயிற்று கிழமைகளில் இந்த பிராண்ட் பிரான்ட் இணைப்பில் இருந்து செய்யப்படும் அனைத்து வாய்ஸ் கால்களும் இலவசமாக வழங்கப்படும்.

Advertisement

இது மட்டும் இல்லாமல் புதிதாக பிஎஸ்என்எல் வாடிக்கையாளராகி இந்த பிளானை வாங்குபவர்களுக்கு மாதம் ரூ 50 விதம் ஆக்டிவேஷன் செய்த 180 நாட்களுக்கு பில்லில் தள்ளுபடி வழங்கப்படும்.

இந்த தொகை 180 நாட்களுக்கு பின் வரும் பில்லில் மொத்தமாக கழிக்கப்படும்.

இன்டர்நெட் பிளானை பொருத்தவரை ஒரு நாளுக்கு 1.5 ஜிபி டேட்டா 8 எம்பிபிஎஸ் வேகத்தில் வழங்கப்படுகிறது. இது மாதத்திற்கு 45 ஜிபி வரை டேட்டா 8 எம்பிபிஎஸ் வேகத்தில் கிடைக்கும்.

ஒருநாளுக்கு 1.5 ஜிபி டேட்டாவை கடந்து பயன்படுத்தப்படும் டேட்டாக்கள் 1 எம்பிபிஎஸ் வேகத்தில் கிடைக்கும் இது அன்லிமிட்டட் டேட்டாவாக கிடைக்கிறது.
மேலும் இந்த பிளானில் இலவசமாக வழங்கப்படும் இலவச வாய்ஸ் கால்கள் அனைத்தும் இந்தியாவிற்குள் செய்யப்படும் கால்களுக்கே பொருந்தும், சர்வதேச கால்களுக்கு இலவசம் வழங்கப்படமாட்டாது.

இந்த இணைப்பை பெற ரூ 500 முன்பணமாக வழங்க வேண்டும்.

மேலும் இந்த இணைப்பை பெற்றால் கட்டாயம் ஒரு மாதம் இந்த பிளானிற்காக பில் செய்யப்படும் அதன் பின் வாடிக்கையாளர் விரும்பினால் பிளானை மாற்றவோ, இணைப்பை துண்டிக்கவோ செய்யலாம்.

இந்த பிளானிற்கு மாதம் மாதம் பணம் செலுத்தாமல் மொத்தமாகவும் பணம் செலுத்தவும் முடியும்.

ஒரு ஆண்டிற்கான கட்டணமாக ரூ 3,289 இரண்டாடிற்கான கட்டணம் ரூ 6,279 மற்றும் மூன்றாம் ஆண்டிற்கான கட்டணமாக ரூ 8,970 என நிர்ணயிக்கப்பட்டுள்ளது.

இது மட்டும் இல்லாமல் இந்த பிளான் உடன் ஒரு ஜிபி இடவசதியுடன் ஒரு இமெயில் ஐடியையும் பெறும் வாய்ப்பும் உள்ளது.

இந்த தகவல்களை பிஎஸ்என்எல் நிறுவனம் தனது இணையதளத்தில் வெளியிட்டுள்ளது.
இந்த பிளானை இந்தியாவில் ஜம்மு காஷ்மீர், அந்தமான் நிக்கோபார், வதோதரா பகுதியை தவிர மற்ற அனைத்து பகுதிகளிலும் பயன்படுத்தலாம் என அறிவித்துள்ளது.