உலகின் கெட்ட முதல்வர் பினராயி விஜயன்: கூறுகிறது கூகுள்..!

0
106
உலகின் கெட்ட முதல்வர் பினராயி விஜயன்: கூறுகிறது கூகுள்..!
Advertisement
Advertisement

கெட்ட முதலமைச்சர் யார் எனத் தேடினால், கேரள முதல்வர் பினராயி விஜயன்என கூகுள் தேடுதளத்தில் காண்பிக்கிறது. அவரது விக்கிபீடியா லிங்க் உடன் வருகிறது.

கூகுள் தளம் அதன் புரோக்கிரமார்கள் இயற்றும் அல்காரிதம் கோட்களின் அடிப்படையில் தேடப்படும் வார்த்தைகளுக்கு ஏற்ப சம்பந்தப்பட்ட நபர்களின் படங்களைக் காட்டும்.

இது திட்டமிடப்பட்டு தனிமனிதர்களை விமர்சிக்கும் செயல் அல்ல.

இதனை ஒரு குழு கொண்டு நிர்வகிப்பது, திருத்தம் செய்வது மிகக் கடினம் என கூகுள் தரப்பில் விளக்கம் அளிக்கப்பட்டது.

அதன்படி தேடுதளங்கள் குறிப்பிட்ட நபரைப் பற்றி பெரும்பாலான தளங்களில் அதிகமாக பயன்படுத்தப்பட்ட வார்த்தைகளைக் கொண்டே இந்த சர்ச் ரிசல்ட் கிடைக்கிறது.

முன்னதாக சபரிமலை விவகாரத்தில் உச்சநீதிமன்றத்தின் தீர்ப்பினை அடுத்து 50 வயதுக்குட்பட்ட பெண்களை நுழைய வைக்க பினராயி விஜயனின் இடதுசாரி மாநில அரசு தீவிர முயற்சி மேற்கொண்டது.

இதனால் பாஜ., உள்ளிட்ட வலதுசாரி கட்சிகளின் கடும் எதிர்ப்பை இணையத்தில் சம்பாதித்தது பினராயி அரசு.

இதன் விளைவாக சமூக வலைதளங்களில் அவர் கடுமையான வார்த்தைகளால் விமர்சிக்கப்பட்டார்.

இதனால் தற்போது ’பேட் சீஃப் மினிஸ்டர்’ என கூகுளில் தேடினால் பினராயி விஜயனின் படம் மற்றும் அவரது விக்கிபீடியா லிங் வருகிறது.

கூகுளில் இவ்வாறு நடப்பது இது முதன்முறையல்ல.

இதற்கு முன்னரே ‘டாப் டென் கிரிமினல்ஸ்’ (உலகின் முதல் பத்து குற்றவாளிகள்) என தேடினால் பிரதமர் மோடியின் படமும், தில்லி முதல்வர் அரவிந்த் கெஜ்ரிவால் படமும் வந்தது.

இது நகைப்புக்குள்ளானது. இதேபோல முட்டாள் எனத் தேடினால் அமெரிக்க அதிபர் டிரம்பின் படம் வந்தது.