ஆழ்துளை கிணற்றில் விழும் குழந்தைகளை உயிருடன் மீட்கும் புதிய கருவி..!

ஆழ்துளை கிணற்றில் விழும் குழந்தைகளை உயிருடன் மீட்கும் புதிய கருவி..!
Advertisement
Advertisement

ஆழ்துளைக் கிணற்றுக்குள் குழந்தைகள் தவறி விழுந்தால் அவர்களை உயிருடன் மீட்கும் புதிய கருவியை ஆந்திராவை சேர்ந்த இளைஞர் கண்டுப்பிடித்துள்ளார்.

இதற்கு பலதரப்பினர் பாராட்டுதல்களை தெரிவித்து வருகின்றனர்.

இந்தியா முழுவதும் ஆழ்துளைக் கிணற்றுக்குள் குழந்தைகள் தவறி விழும் சம்பவங்கள் தொடர்ந்து நடைபெற்று வருகின்றன.

பல நாட்கள் போராடி அவர்களை வெளியே கொண்டு வரும் போது, குழந்தைகள் உயிரிழந்த நிலையில் தான் பெரும்பாலும் மீட்கப்படுகின்றனர்.

இதற்கு காரணம், போதிய உபகரணங்கள் கண்டுப்பிடிக்கப்படாமல் இருக்கும் பற்றாக்குறைதான்.

இதற்கு தீர்வு காணும் வகையில், ஆந்திராவின் விஜயவாடாவை சேர்ந்த ஹேம்நாத் ராஜா என்பவர் ஆழ்துளைக் கிணற்றில் விழும் குழந்தைகளை பத்திரமாக மீட்கும் புதிய கருவியை கண்டுப்பிடித்துள்ளார்.

ஹேம்நாத்தின் இந்த கருவி கேமரா, எல்.இ.டி விளக்கு, கப்பி, இயந்திரத்தால் இயங்கும் கை போன்ற உபகரணங்கள் கொண்டு தயாரிக்கப்பட்டுள்ளது.

தவிர, இதை உள்ளே செலுத்தும் போது துணை உபகரணத்தின் மூலம் ஆக்ஸிஜன் உருளையையும் உள்ளே செலுத்த முடியும்.

குழந்தை விழுந்த இடத்தை நெருங்கிய உடன், இயந்திரத்தின் கை குழந்தையை பிடித்து மேலே தூக்கும்.

குழந்தை மேலே வரும் போது விழாமல் இருக்க மற்றொரு கருவியும் இதே கருவியில் இடம்பெற்றுள்ளது.

ஆழ்துளைக் கிணற்றுக்குள் விழும் குழந்தைகளை பத்திரமாக மீட்கும் கருவியை கண்டுப்பிடித்துள்ள ஹேம்நாத் அதை மூன்று முறை சோதனை செய்து பார்த்துள்ளார்.

அது நல்ல முடிவுகளை வழங்கியுள்ளது. தற்போது இந்த இயந்திரத்திற்கான காப்புரிமை பெறும் பணியில் ஹேம்நாத் தீவிரமாக இயங்கி வருகிறார்.